Einige Neufunde, die in Band 3 der Edition geboten werden, berühren das Thema dieses Heiratsprojektes und bieten Erkenntnisgewinne hinsichtlich der Fragen, ob die Wettiner Anfang 1524 noch auf den Vollzug der Ehe hofften, wann und wie sie von der habsburgischen Absage erfuhren und wie sie darauf reagierten. Die Inhalte der Schreiben, von denen eines im Folgenden präsentiert wird, betrafen nicht zuletzt die Kontakte und das Verhältnis zwischen den regierenden Landesherren Kursachsens und dem Kaiser sowie die neue Lehre Martin Luthers, die als Grund der kaiserlichen Entscheidung, die Hochzeit abzusagen, angeführt wurde. Wie bereits 1519 liefen auch 1524 die direkten Verhandlungen über Herzog Johann von Sachsen. Friedrich zeigte aber aktives Interesse an den Vorgängen und stand dem Bruder mit Rat und Tat zur Seite. Von dem mit Spannung lange erwarteten persönlichen Gespräch in der Angelegenheit mit dem kaiserlichen Gesandten Johann Hannart berichtete Herzog Johann seinem Bruder in dem eigenhändig niedergeschriebenen und persönlich an Friedrich adressierten Schreiben vom 21. Juli 1524. Es ist als Ausfertigung überliefert worden und stellt ein typisches Beispiel der engen Korrespondenz zwischen den beiden Brüdern dar, in denen ganz verschiedene Inhalte berührt und übermittelt wurden. Der fortlaufende Text wurde in Absätze unterteilt, um die verschiedenen Themen und Gedankengänge deutlich voneinander zu trennen.

Transkription:

[fol. 125r] Hoch geborner furst, freuntlicher lieber herre bruder und gevather. Ich habe e. l. schreyben vorlessen und gantz freuntlicher maynung vorstanden und in aller warheit so yst myr e. l. beschwerunng gancz beschwerlichen zcu horen, ich wyll aber got getrauen, er werde durch seyn gotliche gnade e. l. wider umb gesuntheit vorleihen, welchs ich auch treulichen bitten wyll zcu got.

Des schissens halben zcu Heidelberg habe ich gar kein wyssens, aber mein son [= Johann Friedrich] hat mich gestern bericht, das der Doltz er Friderichen Thunen solchs zcu geschryben habe, aber ich habs nach nit gesehen.

E. l. lass ich wyssen, das ich gestern dinstages dem Hannart habe schryfflichen an gezceiget und mit meynez petzschafft vor sigel und mein handt zcehen dor zcu geschrieben auff diesse meynung, das mich der Hannart berichtten wolt, abs k. M. [= Kaiser Karl V.] wylle, das der heywrat abe sein solt. Dor auff hat der Hannart wider umb eyn schryfftliche antwort geben und bekent es freye, das k. Mt. wylle und maynung seye, das der heywrat gar abe sein soll, dor auff habe ich meyn bedencken bis auff heudte mitwochen genommen, was weyther gehandelt, werden e. l. alhyr nach geschryben finden, nach der lenhe und wie der Hannart abgefertiget yst.

[fol. 125v] Heudt dato yst der Hannart bey myr und meynez son gewest und hatt under anderem vill beschwerunng vor gewant, wo er diesse meyne antwort solt k. M. vorwenden, als e. l. alles alhyr bey finden werden nach der lenhe. Und yn sunderheit hat er vor gewant, das sein treues bedencken where, man woldt solche handelunng yn ke. Mt. gewissen nit schyben, sunder als vor mich solchs wolt lassen ab seyn, aber ich habes bey erster gegeben antwort bleyben lassen.

Under anderm hat er angeczeiget, das er wolt myr vortraulichen anczeigen, er sege, das vil neuher lere yn e. l. und meynez furstenthum auff keme, das yn wundert, das e. l. und ich solchs leiden mocht und dor nichtz zcu tetten, welchs auch k. M. wyssens hette, und er wolt myr nitzs bergen, das das doch die yrunng einfuren worde, das k. Mt. meynez son der halben die swester doch nit geben worde. E. l. schicke ich alle handelunng nach der lenhe, der ab wyrdt e. l. woll vormercken den geneidigen wyllen, den k. Mt. und sein volck zcu e. l. und [fol. 126r] meynem son unnd myr treget. Der Hannart yst auch spitzigk genuck mit worthen alhyr gewest, aber auff meyne geben schryffliche antwort hat er auff die letztte gesaget, er wolles k. Mt. zcu schicken, vorderlich durch ein post, ader selbest brynhen unnd das beste dorczue reden, und er wolle morgen freytags sich erheben und den nechsten nach Franckfordt reisen und nach dem Niderlant zcihen.

Keigen e. l. bedancke ich mich gancz freuntlichen der neuhe zceitung und das gotlopt noch zcu Norbergk so wol stehet mit dem wort gottes, got sey gelobet und gebeneideyet yn ewigkeit, wyll auch solchs freuntlichen umb e. l. vordienen.

E. l. gebe ich auch zcu erkennen, das Ott von Ebeleben sere schwach yst, got wolle ym genade vorleyhen zcu seyner selen seligkeyt.

E. l. und meyne rethe haben sich heutte keigen myr horen lassen, sye wollen myr undertheyniger maynung yr bedencken an zceigen, der neuhe lere halben. Was aber seyn wyll, weis ich nicht, ich wyll sye horen und e. l. dorynnen nichts vorhalten, dan die leutte furchtten sich, es falle der hymel auff sie.

Ich hette e. l. auch gern ehre geschryben von Halberstat aus, so byn gantzer tage sieben do gelegen und [fol. 126v] an eynem sontag eynkomen und an dem andern sontag wider weyt gerichtten, der halben yst es vorblyben, das ich e. l. nit ehre geschryben habe, und yst meyn freuntliche bit an e. l., e.l. wollen mich des entschuldiget haben und keynner anderen ursachen schuldt geben, dan wie oben angeczeiget.

Das e. l. nach Jacobi wyder keigen der Lochau wollen, hore ich gancz gern, ich hoffe auch, e. l. die werden auch guthe hyrs fhahen.

Des bergkwerck zcu Salveldt betreffent, habe ich lenhest bevollen, solchs e. l. anczcu zceiget, aber e. l. keynnen das wesen zcu hoffe dem wyll ichs i schuldt geben, aber meyns achttens so vorsehe ich mich gentzlichen, der czanler wyrdt e. l. bayde articel, den merseborgischen handeln und das perckwergk zcu Salvelt belanhent, vorderlichen zcu schicken, welchs ich ym zcu thuen bevollen habe, e. l. freuntlichen zcu dienen byn ich geneit.

Datum eylentz am dornstag nach Alexy anno domini XV C und ym XXIIII jhare

Hans herczog zcu Sachssen

[fol. 127v] [Dem hochg]ebornen fursten, hern [Friderichen], hertzogen tzu Sachssen [...] etc. lantgraven [in Duringen] und marggraven [zu Meyssen, unns]erm lieben [brudern unnd ge]fattern.

[Zu seiner] lieb eigen hant.

Kanzleivermerk:

[fol. 127v] [15]24. Berichtet, was s. fg. mit dem Hanart sich des heirats halben grundliches bescheids zu erholen schrifftlich und mundlich zu handeln gehabt, und das sich der heirat der religion halben zerstosen sein etc. Item das s. fg. rethe ir bedencken anzceigen wollen, der neuen lehr halben. Item des tags halben zu Halberstadt. Item der merseburgischen sache und des bergwercks zu Salfelt halben.

Standort:

Landesarchiv Thüringen – Hauptstaatsarchiv Weimar, Ernestinisches Gesamtarchiv, Reg. D 62 IV, fol. 125r–127v (Ausfertigung, eigenhändig, zu eigenen Händen)

Zum Dokument auf unserer Website:

Hz. Johann an Kf. Friedrich

1523 erschien zudem in Augsburg die Flugschrift „Von dem weit erschollenen Namen Luther, was er bedeutet und wie er wird mißbraucht“ des Haug Marschalk (VD16 M 1107), die sich ebenfalls mit dieser Etymologie befasste und bald darauf in Erfurt nachgedruckt wurde, so dass sie sicherlich auch am Hof Johanns in Weimar bekannt war.

Transkription:

[fol. 39r] Bruderliche lieb mit ganntzen treuen allzceit zuvor. Hochgebornner furst, lieber bruder unnd gefatter, nachdem unns euer lieb durch unnsern cantzler etzliche copien zugeschickt, welcher mas unnser vetter doctor Martinus halben an e. l. geschrieben unnd e. l. radt gebeten, dieselb ime auch dorauff antwurt gegeben unnd wieder geschrieben unnd uns haben bitten lassen, dieweil unnser vetter e. l. letzlich nachgelassen, radts darinnen zugebrauchen, das wir mit etlichen unnsern reten davon reden unnd e. l. unnser bedencken mitteiln wolten, was unnserm vettern durch e. l. zeraten sein mocht. Als haben wir Friderichen Thun unnd Wolffen von Weissenbach, rittere, zu unns anher erfordern lassen unnd mit denselbigen sambt andern davon geredt, aber befunden, das der handel fast weitleufftig zugetragen unnd unns zuvil unnd gros ist. Dan wiewol unser vetter in seiner lieb andern schrifft, so dieselb an e. l. gethan, anzcaigt, das er noch zur zceit nur rechtes wider Martinum zugebrauchen gedenck unnd derhalb in der ersten schrifft die bit dorauff stellet, das ime e. l. raten wol, dieweil sich doctor Martinus Luter zu recht erbeut, wie unnd wo er inen zu recht darumb anfertigen solle, wie er dan an unns fast auch dergleichen geschrieben, so magk doch villeicht seiner lieb [fol. 39v] meynung sein, in dem das er bit, das sich e. l. gegen dem doctor dermas bezcaigen wolle, damit sein lieb und meniglich ermessen, das e. l. ungefellig, inen zuschmehen, auch das ime e. l. nochmals wolle beraten sein, wie er vor sich unnd das gantze haus zu Sachssen seiner eren noturfft erstatung von ime als einem verbanten, der sich zu Wittenberg enthelt, bekomen muge, den handel auff euer lieb zuschieben, das sich doch, wie meniglich zu bedencken hat, nit wol schicken wolt. Dan die sach, wie ime dan e. l. offt angezcaigt, wirdet von seiner lieb darfur geachtet, als ob dieselb e. l. mitbetreff, so ist er e. l. unnd unns auffs negst verwant, zudem das e. l. unnd wir seiner lieb wider den Martinum in der sachen raten sollen. Derwegen e. l. nit unverweislich sein wolt, so dieselb in irer aignen ader des vettern sachen darinnen e. l. geraten, erkennen oder ichtes gegen seiner lieb widerparten furnehmen solten, so wolt auch unnserm vettern nit wol gezcimen anders dem Martinum nach vermugen der bebstlichen recht unnd vor seinem als eins geistlichen mannes ordentlichem richter furzunehmen, dieweil in angezcaigtem rechten verboten, die geweiten unnd geistlichen, ob sie es auch schon verwilligen, in weltliche gericht zuzcihen. Aber dieweil hinwider der vicarius des ordens, so sich itzo zu Aldenburgk entheldet, unnserm vettern villeicht [fol. 40r] auch nit leiderlich, unnd dan dem doctor beschwerlich unnd unsicher sein wolt, vor dem ordinario als dem bischoff von Brandenburgk zugesteen, so konnen wir nit bedencken, was wol zethun sein wolt, allein ob diß furzuschlagen wer, dieweil unnser vetter in seinem schreyben unter anderm angezcaigt, das sich doctor Luter zu recht erboten unnd das sein lieb rechtens gegen ime zugebrauchen gedecht, das es e. l. darfur achten, es solt nit ungut auch der sachen noturfft sein nach aller irer gelegenhait, dieweil dieselb so beschwerlich ere, seell unnd gut gerurt belangendt, das die durch erliche, tapffere unnd der dinge, zuvorderst was die seel anginge, verstendige leut gehort wurde unnd das etwo ein unverdechtiger graff ader zcwen sambt andern unverdechtigen vom adel auch etzlichen gelerten durch sein lieb unnd doctor Lautern, dieweil er sich zu recht erboten, angezcaigt und namhafftig wurden, die uff einen benanten tagk an ein gelegen ort zusamen komen unnd das alsdan sein lieb derselbigen beschwerung, darumb sie den doctor anzufertigen bedacht, furtrugen und widerumb des Lauters antwurt anhoren liese, was ine zu dem schreiben verursacht, ader wie ers gemeint, ob villeicht die nidergesatzten doraus wege und mittel schepffen wurden, dardurch die sach zu seiner lieb [fol. 40v] gelimpff zuvortragen unnd zurichten. Ob aber solchs nit sein wolt, das dieselbigen weysung dornach darinnen theten etc. Dan dieweil unnser vetter die sach so hoch anzceugt unnd villeicht unfreuntlich vermercken wolt, so ime geraten wurde, die sach auff andere wege komen zulassen, so konnen wir warlich nit bedencken, wie sein lieb derselben beschwerde wider den doctor statlicher mocht vertragen lassen unnd dieselben gehort werden, dan obangezcaigter gestalt, dieweil er sonder zcweifel die universitet zu Witenberg verdechtig heldet, seine lieb hette dan fur den armen man fur dem regiment oder camergericht furzunehmen. Darumb wolle e. l. den besten radt bey ir selbst finden, als sie dan got lob wol zethun wissen unnd solchs unnsernthalb in bedacht, wie der handel so seltzam, nit unfreuntlich vermercken, unns auch iren rat mitteiln, was wir unserm vettern auff das ansuchen, so lauts beygelegter copien bey unns gescheen, auch zu antwurt geben solten, auff das wir myt e. l. von gedachtem unnserm vettern einhelliger antwurt vermerckt werden. Das wollen wir umb e. l. alzceit bruderlich unnd freuntlich widerumb verdinen. Datum zu Weymar am freytag nach Esto michi anno domini XVc XXIII

Johans

[fol. 38r] A. d. 23.

Dem hochgebornnen fursten, herrn Friderichen, hertzogen zu Sachssen, des heyligen romischen reichs ertzmarschalck, churfursten, lantgraven in Duringen unnd marggraven zu Meyssen, unnserm lieben brudern unnd gefattern.

Zu seiner lieb aigen handen.

Kanzleivermerk:

[fol. 38r] Hertzog Johansen bedencken, wie hertzog Jorg sol geraten werden.

Standort:

Landesarchiv Thüringen – Hauptstaatsarchiv Weimar, Ernestinisches Gesamtarchiv, Reg. N 33, fol. 38r–40v (Ausfertigung, zu eigenen Händen)

Zum Dokument auf unserer Website:

Hz. Johann an Kf. Friedrich

Der Aussteller Wolfgang Reißenbusch stand der neuen Lehre zwar aufgeschlossen gegenüber und pflegte auch persönlich Umgang mit Luther, sah die Entwicklungen in seinem eigenen Ordenshaus aber durchaus kritisch. Der gegenüber dem Landesherrn geäußerte Unmut über den ausgetretenen Bruder Severin Schultz macht deutlich, dass Reißenbusch dessen Vorgehen missbilligte und für überstürzt hielt. Reißenbusch störte sich an der Missachtung seiner Autorität, die er für den Erhalt der Ordnung innerhalb der ihm unterstehenden Gemeinschaft für notwendig erachtete. Wie weitere Schreiben aus dem Umfeld der Lichtenberger Antoniterpräzeptorei, die in Band 3 der Edition erscheinen werden, zeigen, hatte der Präzeptor große Mühe, die Brüder in den Häusern in Lichtenberg und Eicha zusammenzuhalten sowie die noch verbliebenen Ordensmänner angemessen zu versorgen. Die Zukunft der Antoniterpräzeptorei war ungewiss, was Reißenbusch große Sorgen bereitete, wie die regelmäßigen Mitteilungen an den Kurfürsten verdeutlichen. Die Angelegenheit zeigt auch, dass die Auseinandersetzung mit Luthers Ordenskritik gerade für Personen wie den Präzeptor nicht allein zwischen einer persönlichen Befürwortung oder Ablehnung verlief, sondern komplexere Implikationen barg, die auch das Auseinanderbrechen hergebrachter Ordnungs- und Lebenszusammenhänge und damit das Schicksal zahlreicher weiterer Personen betrafen. Dass Wolfgang Reißenbusch gerade Kurfürst Friedrich detailliert über die Vorgänge in seinem Umfeld unterrichtete, ist zugleich ein Hinweis darauf, welche Bedeutung der Geistliche der weltlichen Obrigkeit für die künftigen Geschicke seines Ordenshauses zumaß.

Transkription:

[fol. 4r] Durchlauchtigster hochgeborner churfurst etc. Gnedigster herre, nachdem e. k. g. unterweilen seltzame geschichte zculeßen unbeschweret, so wollen e. k. g. aus inbewarten copien gnediglich vormergken, was er Severin, pfarrer vorweser zcu Prettin, etwan mein mitbruder, und sonder allen zcweifell nit aus seinem kopff ader eigenem getrechte, heut dato ungeverlichen vor zcwuen stunden an mich geschrieben, auch was ich ime darauff geantwurt habe etc.

Dergleichen vor unvielen tagen hatt sich gedachter er Severins capellan mit einer witwen zcu Prettin auch vorlobt, wie wol es ein betaget, ungestalt weib sein soll, aber wie ich berichtet, des pfarrers kabell soll besser und sein braut ein junges medlein, auch eins burgers kinde doselben zcu Prettin sein.

So hore ich auch, wie der bischoff ader pfarner zcu Betha, auch mein mitbruder, die person, so er bei sich heldet, vor sein eheweib geschulten und gehalten haben wolle. [fol. 4v] Dergleichen bruder habe ich meher, die sonderlich des abends freyhen und weiber nemen wollen. Gott helffe uns allen. Gnedigster herre, zcu Prettin heldet man es vor gewiss, das doctor Martinus Luther morgen dohin kommen soll. Ist es warh, so wirdet er villeicht zcu mir eintziehen.

Welchs alles e. k. g. ich allein aus undertenigem willen hiemit will angetzeigt haben. Und thue hochgemelten e. k. g. mich darneben in aller demuth bevelhen. Datum freitags nach Corporis Christi spat gegen dem abend anno etc. XXIIII.

E. k. g.

underteniger diener etc.

preceptor

[fol. 6v] 1524. [Dem dur]chlauchtigsten hochgebornen [fursten un]d hern, hern Friderichen, [hertzogen zu] Sachssen, des hai[ligen romi]schen reichs ertz[marschalk] und churfursten etc., [landgraffen] in Duringen [und m]arggraffen zu Meissen, [mein]em gnten. herrn. [Seiner] churf. g. zuhannden.

Kanzleivermerk:

[fol. 6v]Preceptor, was er Severin an in geschribn und was er im zu antwurt geben. Doctor Martinus sol morgen gein Prettin komen.

Standort:

Landesarchiv Thüringen – Hauptstaatsarchiv Weimar, Ernestinisches Gesamtarchiv, Reg. Kk 783, fol. 4rv+6v (Ausfertigung, zu eigenen Händen)

Zum Dokument auf unserer Website:

Präzeptor [Wolfgang Reißenbusch] des Antoniterklosters Lichtenberg an Kf. Friedrich

Die Mitglieder der Universität und des Kapitels, denen das Nominationsrecht zukam, schlugen Johann Gunckel und Hermann Tulich als Kanoniker sowie Johannes Reuber als Scholaster dem Kurfürsten vor, mit der Bitte, die Kandidaten zu präsentieren. Dies war ein üblicher, eigentlich rein formaler Vorgang, zu dem Kurfürst Friedrich nun jedoch den Ratschlag der beiden Professoren an der Juristenfakultät der Wittenberger Universität einholte. In einem weiteren Schreiben wandte er sich zudem an seine Räte Wolfgang Reißenbusch, Günther von Bünau, Hans von Minckwitz und Hieronymus Rudloff. Das Schreiben an Schurff und Schwertfeger verdeutlicht die Umbruchstimmung dieser Jahre und zeigt nicht zuletzt auch eine gewisse Unsicherheit Kurfürst Friedrichs hinsichtlich seines Umgangs mit den religiösen Neuerungen, für die er eine Klärung durch das geplante Konzil erhoffte. Mit Blick auf die Neubesetzungen wollte der Kurfürst keine falsche Entscheidung treffen, mit der vielleicht die Konflikte am Stift weiter angeheizt würden. Die angeschriebenen Räte antworteten wenige Tage später. Ihre Antworten sowie die anderen in diesem Kontext stehenden Schreiben werden in Band 3 unserer Edition präsentiert.

Transkription:

[fol. 9r] Von gots gnaden Friderich, hertzog zu Sachssen unnd churfurst etc.

Hochgelarten lieben getreuen unnd rete, wir schreiben itzt den andern unnsern reten unnd euch hirbey von wegen der zwaier prebendn und scolastrie, so itzt in unnserm stifft zu Witenberg vaciren, darzu uns dy vom capitl und universitet drey personen, dieselbn zu presentiren, ernennt, wie ir daraus neben den andern retten vernemen werdt. Unnd wellen euch gnediger meynung nit bergen, das wir bey unns nit wol entschliessen konnen, was darynnen zutun, dan ir wist, das man itzt fur[derlich] predigt unnd lernet, das dy meß nichts sein sol. Soltn wir dan die drey personen, dy uns itzt nominiret, presenti[ren], so wolt villeicht gesagt werdn, wir wusten, das dy meß nichts wer und gebn doch ursach darzu, das dieselbn musten briester werdn, wiewol dy andern, so itzt ufm stifft sein, als wir bericht, den merern tail auch nit mess lesen. So woltn wir auch nit gern, das in unser stiftkirchn dardurch [no]ch zur zeit, weil ir wist, das diese und andere sachn uf das zukunftig concilium zuhandln vorgenomen solt, ain zuruttung gemacht werdn. Derhalbn wir in unser gewissen etwas beschwerung tragn. Und [fol. 9v] weil euch dy ernantn drey personen bekannt, ir auch sonder zweivel bey der wal gewest, begern wir, ir wollet mit den andern unsrn retten, auch fur euch selbs, mit vleis bewegn, was euers vermeinens in dem gut zutun sey, dan wir habn dem capitel und universitet geschriben, das wir in weiter an[twort] gebn wolten. Daran erzaigt ir uns zugefallen. Datum Lochau, am tag Petri und Pauli anno etc. XXIII.

Kanzleivermerk:

[fol. 13v] Anno 23. An doctor Jheronimus und Schwertfeger, etlicher prebenden halbn, so das capitl und universitet zu Witenberg zu canoniken nominirt.

Standort:

Landesarchiv Thüringen - Hauptstaatsarchiv Weimar, Ernestinisches Gesamtarchiv, Reg. O 196, fol. 9rv+13v (Konzept, beschädigt mit Textverlust)

Zum Dokument auf unserer Website:

Kf. Friedrich an Hieronymus [Schurff] und [Johann] Schwertfeger